2017-йил 30-март Тошкент фармацевтика институти қошидаги академик лицейда бўлиб ўтган Тошкент шаҳар ҳокимининг 2015 йил 5 февралдаги “Тошкент шаҳрида ёшлар ўртасида жиноятчилик ва ҳуқуқбузарликларни олдини олишга қаратилган қўшимча чора-тадбирлар тўғрисида”ги 85-сонли қарор асосида рейд натижалари таҳлили ҳамда Ўзбекистон Республикаси Президентининг “Суд-ҳуқуқ тизимини янада чуқурлаштириш борасидаги ислоҳатлар тўғрисида” Фармони тарғиботи тадбирида Тошкент шаҳар прокуратураси бўлим прокурори Ш.Ю.Мамарахимова ва Миробод тумани прокуратураси терговчиси Ж.А.Умаров, Миробод тумани профилактика инспектори лейтенант-Х.Ш.Латипов, Ўзбекистон Республикаси ИИВ Академияси катта ўқитувчиси подполковник- С.С.Рустамов, ОАК тингловчиси майор- У.Х.Назаровлар иштирок этдилар. 
Тадбирда Ўзбекистон Республикаси ИИВ Академияси ОАК тингловчиси У.Х.Назаров бошлади ва сўзга чиқиб: Тошкент шаҳар ҳокимининг 2015 йил 5 февралдаги “Тошкент шаҳрида ёшлар ўртасида жиноятчилик ва ҳуқуқбузарликларни олдини олишга қаратилган қўшимча чора-тадбирлар тўғрисида”ги 85-сонли қарор асосида ўтказилган тадбирлар натижалари бўйича ушбу лицейда бирорта ҳам ўқувчи салбий томондан аниқланмаганлигини айтиб, бошқа ўқув муассасаларида аниқланган ҳолатлар билан таништирди. Шунингдек, ёшларнинг ҳуқуқий онгини ривожлантириш ва уларга олиб борилаётган ислоҳотларни тарғиб қилиш мақсадида “Суд-ҳуқуқ тизимини янада чуқурлаштириш борасидаги ислохатлар тўғрисида”ги Президентимиз Фармонининг мазмун ва моҳияти тушунтириб берилди. Ушбу Фармони асосида суд ва бошқа ҳуқуқни мухофаза қилувчи идораларнинг вазифалари кўрсатиб берилганлиги ва унинг жамиятимиз ҳаётидаги муҳим ўрни кенг миқёсда ёритиб берилди. Шунингдек тадбирда Тошкент шахар прокуратураси бўлим прокурори Ш.Ю.Мамарахимова сўзга чиқиб: Ўбекистон Республикаси Олий ва ўрта махсус, касб-ҳунар таълими маркази ва Ўзбекистон Республикаси Ички ишлар вазилиги томонидан имзоланган “Ўрта махсус, касб ҳунар таълими муассасалари ўқувчилари ўртасида ҳуқуқбузарликлар профилактикасини ташкил этиш ва жиноятчиликни олдини олишга қаратилган ҳамкорлик тадбирларини амалга ошириш тўғрисида”ги меморандум тўғрисида маълумот бериб, Ўзбекистон Республикаси Президентининг ҳафтанинг пайшанба кунини жиноятни олдини олиш ҳамда коллеж лицейларда тадбирлар ўтказиш ва очиқ мулоқот куни деб эълон қилингани ҳақида маълумот берди. Фурсатдан фойдаланиб барча ўқувчиларга эндиликда ҳафтанинг пайшанба кунлари бу каби тадбирлар доимий ташкил қилинишини ва ҳар бир ўқувчи мавжуд муаммо ва қизиқтирган масалалар билан соҳа мутахассисларига мурожаат қилишлари мумкинлигини таъкидлаб ўтди. Жумладан Ёшлар ва вояга етмаганлар томонидан содир этилаётган ҳуқуқбузарлик ва жиноятчиликни олдини олиш — Диний экстремизм, одам савдоси, гиёҳвандлик билан боғлиқ ҳуқуқбузарлик ва жиноятлар тўғрисида батафсил маълумот бериб, бу борада Тошкент шаҳрида олиб борилаётган ишлар ҳақида маълумот бериш билан бирга бу каби иллатларга қарши курашиш ҳар бир фуқаронинг бурчи эканлигини, атрофимизда бўлаётган шубҳали ҳолатларга бепарво бўлишимиз албатта салбий оқибатларга олиб келиши мумкинлигини айтиб, ҳозирги кунда давлатимиз томонидан ёшларни билим олишлари учун етарли эътибор берилаётганлиги ва уларни қизиқишлари доирасида керакли касб-ҳунарга эга бўлишлари учун имкониятлар етарли экангини яна бир бор таъкидлаб ёшларни юқоридаги иллатлардан фақат бўш вақтларини мазмунли ташкил этишгина, доимий ўз салоҳиятларини ошириб боришгина қутқаришини тушунтирди.
